वालेन्द्र शाह (बालेन) नेतृत्वको राष्ट्रिय स्वतन्त्र पार्टी (रास्वपा) सरकारले बजेटको ब्रिफकेस परिवर्तन गरेको छ ।
यसअघिका सरकारले वार्षिक बजेट प्रस्तुत गर्न बजेट वक्तव्यको ब्रिफकेस बोक्ने चलन थियो । तर, रास्वपा सरकारले यस परम्परालाई चिर्दै नेपाली कागजसहितको बन्डल प्रयोग गरेको छ ।
खासगरी रास्वपा सरकारले परिवर्तनको राम्रै सन्देश दिन बजेटको ब्रिफकेससमेत परिवर्तन गरेको देखिन्छ । अर्थमन्त्री डा. स्वर्णिम वाग्ले नेपाली कागजको फाइल बोकेर संसद प्रवेश गरेका छन् ।
पछिल्लो समय नेपालमै बनेको ब्रिफकेस (झोला)मा बजेट बोक्ने गरिएको थियो। पूर्वअर्थमन्त्री वर्षमान पुनको पालामा ढाकाबाट बनेको ब्रिफकेस प्रयोग गरिएको थियो भने विष्णु पौडेलको पालामा अल्लोको ब्रिफकेस प्रयोग भएको थियो।
