aajako press
सर्वोच्च अदालतमा संसद भंग सम्बन्धमा परेका विभिन्न रिटहरुमाथि सुनुवाईका लागि प्रधानन्यायधीश चोलेन्द्र शमशेर जबराको नेतृत्वमा संवैधानिक इजलास गठन भएको छ ।
संवैधानिक इजलासमा न्यायधीसहरु दीपक कुमार कार्की, आनन्दमोहन भट्टराई, तेज बहादुर केसी र बम कुमार श्रेष्ठ रहेका छन् ।
अन्तरिम आदेशको माग गर्दै परेका विभिन्न १९ रिटसमेत बिहिबार आफ्नो एकल इजलासबाट प्रधानन्यायधीश चोलेन्द्र शम्सेर जबराले आफ्नो नेतृत्वमा संवैधानिक इजलास गठन गरेका छन् ।
प्रधानमन्त्री ओलीको सिफारिसमा राष्ट्रपति भण्डारीले जेठ ७ गते गरेको संसद भंगको निर्णयलाई बदर गर्न माग गर्दै सर्वोच्चमा विपक्षी दल तथा अधिवक्ताहरुले दायर गरेका रिटहरुमाथि आज संवैधानिक इजलासमा सुनुवाइ हुन लागेको हो ।
