नेपाली कांग्रेसको गण्डकी प्रदेशका संसदीय दलका नेता कृष्णचन्द्र नेपाली पोखरेलले बहुमत सांसदको हस्ताक्षरसहित प्रदेश प्रमुख सीताकुमारी पौडेलसमक्ष मुख्यमन्त्रीमा दावी पेश गरेका छन् ।
प्रदेश प्रमुख पौडेलले नयाँ सरकार गठनका लागि दाबी पेश गर्न दिएको २४ घन्टे समयसिमाभित्रै कांग्रेस नेता पोखरेलले मुख्यमन्त्रीमा दाबी गरेका हुन् ।
शुक्रबार नेपाली कांग्रेसका १५, नेकपा माओवादी केन्द्रका ११, राष्ट्रिय जनमोर्चाका २, जनता समाजवादी पार्टीका २ र स्वतन्त्र सांसद दीपक मनाङेसहित प्रदेश प्रमुख कार्यालय पुगेका उनले ३१ सांसदको समर्थन आफूलाई रहेको भनी प्रदेश प्रमुखलाई हस्ताक्षर बुझाएका छन् ।
३१ जना सांसदहरु सशरीर प्रदेश प्रमुखको कार्यालयमा पुगेका थिए । तर, प्रदेश प्रमुख पौडेलले प्रकृया पु¥याएर निर्णय गर्ने बताएकी छिन् । बहुमत सांसदको हस्ताक्षर प्रदेश प्रमुखकोमा पुगेका कारण कृष्णचन्द्र पोखरेल मुख्यमन्त्री बन्ने लगभग निश्चित जस्तै छ ।
