जाजरकोटमा रात्रिबस दुर्घटना हुँदा ५ जनाको मृत्यु भएको छ। २७ जना घाइते भएका छन्। नेपालगन्जदेखि राडिबजार जाँदै गरेको बस दुर्घटना भएको हो। को ना ७ ख २७५७ नम्वरको यात्रुवाहक रात्रिबस जाजरकोट भेरी नगरपालिका १३ वराहचौर नजिक दुर्घटना भएको हो।
घाइतेहरुको उपचार जिल्ला अस्पताल जाजरकोटमा भइरहेको प्रहरीले जनाएको छ। मृतकहरुको अहिलेसम्म सनाखत हुन सकेको छैन ।
बस दुर्घटना कसरी भएको भन्ने बारे प्रहरीले अनुसन्धान गरिरहेको छ। घाइते र मृतकहरु नलगाड नगरपालिका र बारेकोट गाउँपालिकाका रहेको बताइएको छ।
