बर्दियाको मधुवन नगरपालिकामा बाघ आतंक नियन्त्रणका लागि स्थानीयले गरेको शान्तिपूर्ण प्रदर्शनमा प्रहरीले गोली चलाएर मान्छे मारेकोे भन्दै नेपाल नागरिक अभियानले भत्र्सना गरेको छ ।
नेपाल नागरिक अभियान मध्य पश्चिम क्षेत्रका संयोजक विश्वदेव शाहले विज्ञप्ती जारी गर्दै शान्तिपूर्ण प्रदर्शनका क्रममा प्रहरीले गोली चलाएर १८ वर्षिया नविना थारुको हत्या गरेको भन्दै भत्र्सना गरेका हुन् । उनले जारी गरेको विज्ञप्तीमा मृतकका परिवारलाई आर्थिक सहयोग गरिनुपर्ने, प्रदर्शनका क्रममा घाइते भएकाहरुको निःशुल्क उपचार गरिनुपर्ने, गोली चलाउँने प्रहरीलाई कारबाही गरिनुपर्ने लगायतका माग प्रस्तुत गरिएको छ ।
बाघको आतंकले स्थानीय आजित भएको विषयलाई सामान्य रुपमा नलिन आग्रह गर्दै बाघ आतंक क्षेत्रमा विशेष सुरक्षा संयन्त्र प्रभावकारी ढंगले सञ्चालन गर्न नेपाल नागरिक अभियान मध्य पश्चिम क्षेत्रले माग गरेको छ ।
