Logo
२०८०, २३ मंसिर शनिबार
|  Sat Dec 9 2023

साना विद्यार्थीलाई हरियो तरकारी चिनाउन ‘तरकारी दिवस’


काठमाण्डौ, १४ असोज । घरको भान्छामा होस या विद्यालयको क्यान्टिनमा दैनिक जसो पकाएर खाने गरिएकोे हरियो तरकारीको नाम, यसबाट पाइने पोषण तत्व, यसले स्वास्थ्यमा पुर्याउने फाइदाको बारेमा जानकारी दिन ट्रिटन सेकेण्डरी स्कुल सुविधानगरले विद्यालयमा भेजिटेवल डे अर्थात तरकारी दिवस—२०८० आयोजना गरेको छ ।
भर्खरै स्कुल आउन थालेका प्ले ग्रुपदेखि २ कक्षासम्मका सबै साना विद्यार्थीहरुै घरबाट एक÷एक थरी हरियो तरकारी संकलन गरेर उनीहरुलाई नै पालैपालो सहभागी गराई तरकारी दिवस—२०८०आयोजना गरिएको थियो ।

कुन तरकारी कसरी चिन्ने, तरकारी बजारमा गएर कसरी तरकारी किनेर ल्याउने, पैसा कसरी तिर्ने ती सबै कुरा साना विद्यार्थीलाई प्रयोगात्मक रुपमा सिकाईएको विद्यालयको अतिरिक्त कृयाकलाप संयोजक शिव गैह्रेले बताए ।

तरकारी बजारमा जसरी स्टलमा सजाएर राखिएका तरकारीहरुबारे विद्यालयकी निर्देशक ममता शाहले विद्यार्थीहरुसंग किन्ने प्रयास गरेर हरियो तरकारीको किनवेच कसरी गरिन्छ भनेर ति विद्यार्थीलाई बताएकी थिइन् ।

विद्यालयमै यस्ता वस्तुको प्रयोगात्मक र व्यवहारिक जानकारी गराउँदा विद्यार्थीहरुले आफ्नो घरमा दैनिक रुपमा प्रयोग हुने हरियो तरकारी चिन्ने, त्यसको स्वाद र महत्वबारे बुझ्ने निर्देशक शाहले बताइन् ।

तरकारी दिवस—२०८० मा आलु, प्याज, गोलभेडा, हरियो खुर्सानी, साग, धनियाँ, भेण्टा, मुला, गाजर, बन्दा, करेला, काँक्रा, फर्सी, रामतोरिया, सिमी, तितेकरेला, परवल, काउलीलगायत राखिएको थियो ।


प्रतिक्रिया दिनुहोस !
विचार