ललितपुरको कुपण्डोलस्थित हाम्रो सगरमाथा सहकारीमा आगलागी भएको छ ।
बिहीबार ललितपुर महानगरपालिका–१० स्थित कानदेवतास्थानमा रहेको सहकारीको कार्यालयमा आगलागी भएको जिल्ला प्रहरी परिसर ललितपुरले जनाएको छ ।
कान्तिपुर सेभिङको स्वामित्वमा रहेको भवनको छैटौँ तलामा लागेको आगो ३ वटा दमकल प्रयोग गरेर नियन्त्रणमा लिइएको प्रहरीले जनाएको छ ।
छैटौँ तलामा हाम्रो सगरमाथामाको कार्यालय सञ्चालित छ । आइतबारदेखि सो क्षेत्रमा बिजुलीको लाइन नभएपछि इन्भर्टर प्रयोग गरेर कार्यालय सञ्चालन गरेको बताइएको छ ।
आगलागीबारे प्रहरीले अनुसन्धान गरिरहेको छ ।
