एमालेका पूर्वमन्त्री बुद्धि कुमार भण्डारी र सक्किगो नि का कलाकार पुरुषोत्तम शर्मासहित ११ जना हाइ प्रोफाइलका व्यक्तिहरु जुवा खेलेको आरोपमा पक्राउ परेका छन् । उनीहरुलाई जुवा खेल्दै गरेको अवस्थामा पक्राउ गरिएको जिल्ला प्रहरी परिसर काठमाण्डौँले जनाएको छ ।
पक्राउ पर्नेहरुमा प्रदेश सांसद तथा कोशी प्रदेशका पूर्वमन्त्री बुद्धि कुमार राजभण्डारी, सोलुखुम्बुको सोताङ गाउँपालिकाका पूर्वअध्यक्ष बिर बहादुर राई र कलाकार पुरुषोत्तम शर्मासहित ११ जना रहेका छन् । शर्मा टेलिसिरियल ‘सक्किगो नि’ का कलाकार हुन् ।
प्रहरीले जुवा खालबाट १ लाख नगद बरामद गरेको छ । शनिबार पक्राउ गरेर प्रहरीले उनीहरूको बयान लिइसकेको छ । आइतबार सरकारी वकिल कार्यालयमा अनुसन्धान प्रतिवेदन बुझाइने जिल्ला प्रहरी परिसर काठमाडौँका एकजना अधिकृतले बताए ।
पक्राउ पर्नेहरुमा उत्तम कुमार राई, अनिश तामाङ, ठुला तामाङ, दिपक खड्का, भिम बहादुर साम्बाहाम्फे, रवि श्रेष्ठ, राजु महत र माधव थापा छन् । माधव थापा बिरामी रहेको अनुसन्धानमा संलग्न एकजना अधिकृतले बताए ।
