भोलि बस्ने प्रतिनिधिसभाको बैठकमा माओवादी केन्द्रका सांसदहरुले नेपाल विद्युत प्राधिकरणका कार्यकारी निर्देषक कुलमान घिसिङका पक्षमा आवाज उठाउने तयारी गरेका छन् । ओली नेतृत्वको सरकारले घिसिङको मनोबल गिराउनेगरी काम गरेकोे आरोप लगाउँदै उनीहरुले घिसिङका पक्षमा आफूलाई प्रस्तुत गर्न लागेका हुन् ।
ठूला उद्योगीहरुबाट उठाउनुपर्ने विद्युत महसुल उठाउनतिर भन्दा पनि उद्योगीहरुलाई खुसी पार्नेगरी सरकारले कुलमान घिसिङलाई हटाउने चलखेल गरेको उनीहरुको बुझाई छ । घन्टौंको लोडसेडिङ हटाउन महत्वपूर्ण भूमिका खेलेका कुलमान घिसिङप्रति राजनीतिक प्रतिशोध साँधिए राम्रो नहुने माओवादी नेताहरुले चेतावनी दिँदै आएका छन् । उस्तै परे सडक आन्दोलन नै गर्न पछि नपर्ने माओवादी केन्द्रका एक सांसदले बताए ।
भोलि दिनको १ बजे प्रतिनिधिसभाको बैठक बस्दैछ ।
