जावलाखेलको भनिमण्डलस्थित रामबाग महलको हलमा नेकपा एमालेका अध्यक्ष केपी शर्मा ओलीले केन्द्रीय कमिटी बैठकलाई सम्बोधनको क्रममा आफ्नो पार्टी अरुजस्तो ‘चटके’ र सिमलको भुवाजस्तो उडन्ते नभएको बताइरहेका थिए । अनि आन्तरिक एकतामा जोड दिइरहेका थिए ।
त्यही बेला झ्याप्प बत्ती गयो । ओली बोलिरहेका बेला शान्त हलमा बत्ती गएपछि हल्ला पनि सुरु हुन थाल्यो । बैठकमा सहभागीहरु आफ्नो स्थानबाट उठेर बाहिरतिर निस्किन थाले ।
केहीबेरमै बत्ती आयो । तर हल्ला आउन बन्द भएन । सहभागीहरुको गाइँगुइँ आवाज आउन नरोकिएपछि ओलीले ‘डिस्टर्ब’ महसुस गरे ।
अनि मञ्चबाट हलमा चोर औंला देखाउँदै ओलीले भने, ‘हेलो १ पछाडि के छ त्यहाँ रु केही पसल–ससल छ कि क्या हो ?’
मञ्च व्यवस्थापक विनोद श्रेष्ठ अघिल्लो लहरबाट उठेर पछाडि हल्ला भएतिर गए । तर हल्ला रोकिएन ।
ओलीले निर्देशन पनि दिए, ‘प्लिज यो हलभित्र चाहिँ नबोलौं त ।’
त्यतिबेला केही व्यक्तिहरु हलको एक भागतिर राखिएको चिया खानतिर लागेका थिए । केही भने शौचालयतर्फ लागेका थिए ।
