स्थानीय बजारमा सुनको मूल्य उल्लेखनीय रूपमा बढेको छ। आइतवार (फागुन १७) सुन प्रतितोला ५६ सय रुपैयाँले उकालो लाग्दै ३ लाख २० हजार ५०० रुपैयाँ पुगेको छ ।
यस्तै, चाँदीको मूल्य पनि बढेको छ। चाँदी प्रतितोला १५ रुपैयाँले वृद्धि भई ५ हजार ७४० रुपैयाँ निर्धारण गरिएको छ। अघिल्लो कारोबार दिन शुक्रवार चाँदी ५ हजार ७२५ रुपैयाँमा किनबेच भएको थियो। अन्तर्राष्ट्रिय बजारको प्रभावसँगै स्थानीय बजारमा बहुमूल्य धातुको मूल्यमा निरन्तर उतारचढाव देखिएको व्यवसायीहरू बताउँछन् ।
