काठमाडौं महानगरपालिकाद्वारा आयोजित “नदिकिनार तथा जोखिमयुक्त बस्तिबाट संरक्षित बालबालिकाहरूलाई आवाससहित निःशुल्क पठनपाठन” सम्बन्धी छलफल तथा समझदारी कार्यक्रममा नेरिक एकेडेमीले आफ्नो सामाजिक प्रतिबद्धतालाई व्यवहारमा उतार्दै महानगरपालिकाको पूर्ण छात्रवृत्ति अभियानमा सहकार्य गरेको छ।
यस महत्वपूर्ण पहलअन्तर्गत जोखिमयुक्त तथा विपन्न अवस्थाका बालबालिकाहरूलाई सुरक्षित वातावरणमा गुणस्तरीय शिक्षा, संरक्षण र उज्ज्वल भविष्यको अवसर प्रदान गर्ने उद्देश्यले नेरिक एकेडेमीका प्रधानाध्यापक, काठमाडौं महानगरपालिकाका शिक्षा प्रमुख तथा सम्बन्धित विद्यार्थीका अभिभावकबीच औपचारिक समझदारी सम्पन्न भएको हो।
समाजका पछाडि पारिएका तथा जोखिममा रहेका बालबालिकाहरूलाई शिक्षाको मूलधारमा जोड्ने यस अभियानले नेरिक एकेडेमी केवल एक शैक्षिक संस्था मात्र नभई सामाजिक उत्तरदायित्व, मानवीय संवेदना र समावेशी शिक्षाप्रति प्रतिबद्ध संस्था हो भन्ने सन्देशलाई अझ मजबुत बनाएको छ।
नेरिक एकेडेमी विश्वास गर्दछ—
“शिक्षा केवल अवसर होइन, प्रत्येक बालबालिकाको नैसर्गिक अधिकार हो।”
यही विश्वास र सामाजिक उत्तरदायित्वको भावनासहित नेरिक एकेडेमी आगामी दिनहरूमा पनि शिक्षा, मानवता र सामाजिक रूपान्तरणका अभियानहरूमा निरन्तर अग्रसर रहने प्रतिबद्धता व्यक्त गर्दछ।
