काठमाडौं । प्रधानमन्त्री बालेन साहले गणतन्त्र दिवस मूल समारोहलाई पनि सम्बोधन नगर्ने भएका छन् । गणतन्त्र दिवसको दिन सैनिक मञ्च टुँडिखेलमा आयोजना हुने समारोहलाई उनले सम्बोधन नगर्ने भएका हुन् ।
समारोहलाई प्रधानमन्त्रीले सम्बोधन गर्ने परम्परा रहेपनि प्रधानमन्त्री साहले समारोहलाई सम्बोधनका लागि राष्ट्रपतिलाई पत्र पठाएको खुलेको छ । मन्त्रिपरिषदको निर्णय अनुसार गणतन्त्रको प्रतीक राष्ट्रपति नै हुने भएकाले गणतन्त्र दिवस समारोहमा सम्बोधन गरिदिनु अनुरोध गरेको पत्र राष्ट्रपति कार्यालयमा पठाइएको छ ।
पत्र आएको कुरा राष्ट्रपति कार्यालयले पुष्टि गरेको छ । मन्त्रिपरिषद्ले प्रधानमन्त्री बालेनकै नेतृत्वमा गणतन्त्र दिवस मूल समारोह समिति बनाएको छ । प्रधानमन्त्री भएपछि बानेन साहले भक्तपुरका नेपाली सेनाको एउटा कार्यक्रममाबाहेक सार्वजनिकरुपमा बोलेका छैनन् । संसदमा विपक्षी दलहरुले जवाफ दिन आउनुपर्ने माग गरेपनि उनले वेवास्ता गर्दै संसद छल्दै आएका छन् ।
