काठमाडौं । नेपाल प्रहरीका महानिरीक्षक (आईजीपी) दानबहादुर कार्कीले सञ्चारकर्मीबाट निष्पक्ष, तथ्यपरक र साहसिक रिपोर्टिङको अपेक्षा गरेको बताएका छन् ।
पत्रकार पक्राउको भोलिपल्ट शनिबार सामाजिक संजालमार्फत आईजीपी कार्कीले समाचार संकलन तथा सम्प्रेषणका क्रममा कुनै पनि प्रकारको अवरोध हुन नदिन नेपाल प्रहरी प्रतिबद्ध रहेको स्पष्ट पारेका हुन् । समाचारको विषयलाई लिएर शुक्रबार प्रहरीले पत्रकारहरु विश्वमणि सुवेदी, धिरज बस्नेतलगायतलाई पक्राउ गरेको थियो । तर सर्वत्र विरोध भएपछि केही घण्टामा रिहा गरेको थियो ।
