पछिल्लो केही दिनदेखि सुदूरपश्चिम प्रदेशमा कोरोना सङ्क्रमितको सङ्ख्या पुनः बढ्न थालेको छ।प्रदेश स्वास्थ्य निर्देशनालय दिपायल राजपुरका अनुसार एक हप्ताभित्र नयाँ सक्रिय सङ्क्रमितको सङ्ख्या १६२ पुगेको हो। छिमेकी मुलुक भारतबाट घर फर्किइरहेका यहाँका मानिसमा सङ्क्रमण देखिन थालेको बताइएको छ।
भारतमा सङ्क्रमण बढ्न थालेसँगै नेपाल फर्कनेको सङ्ख्या पनि बढेपछि सुदूरपश्चिममा पनि सङ्क्रमण दर बढेको निर्देशनालयले जनाएको हो।निर्देशनालयका अनुसार हाल कैलालीमा सबैभन्दा बढी ९२ जना नयाँ सङ्क्रमित थपिएका छन् भने कञ्चनपुरमा ५३, बैतडीमा १२, दार्चुलामा दुई, बझाङ, बाजुरा र डडेल्धुरामा एक/एकजना सक्रिय सङ्क्रमित छन्।
कोरोनाको नयाँ भेरियन्ट ओमिक्रोनको त्रास बढिरहेको वेला सुदूरपश्चिम प्रदेशमा सक्रिय संक्रमितको सङ्ख्या बढ्न थालेको जनाउँदै यहाँका बासिन्दामा चिन्ता थपिएको छ।
