कक्षा १२ को परीक्षा साउनको अन्तिम साताबाट सञ्चालन गर्ने तयारी भइरहेको छ ।
राष्ट्रिय परीक्षा बोर्डले साउनको अन्तिमबाट वार्षिक परीक्षा सञ्चालन गर्नेगरी सरकारसँग अनुमति समेत मागिसकेको छ । तर, सरकारले अनुमति दिने या नदिने भन्नेबारे टुंगो भने लागेको छैन ।
बोर्डले स्वास्थ्य सुरक्षा मापदण्ड अपनाएर भौतिक रुपमै परीक्षा सञ्चालनका लागि सरकारसँग अनुमति मागेको राष्ट्रिय परीक्षा बोर्ड स्रोतले जानकारी दिएको छ । शिक्षा मन्त्रालयले अनलाइनका माध्यमबाट परीक्षा सञ्चालन गर्न बोर्डलाई सल्लाह दिएपनि लाखौं विद्यार्थीको परीक्षा लिनुपर्ने भएका कारण त्यो सम्भव नहुने जनाएको छ ।
