नेपाली कांग्रेसको सभापतिका उम्मेदवार विमलेन्द्र निधिले आफैंलाई सभापति पदमा भोट हाल्न पाउँदा आनन्द महसुस भएको बताएका छन् । उनले भने — नाम रोज्न मलाई गाह्रो भएन।
कसलाई भोट दिने हो भन्ने आफूलाई थाहा छ । १३ औं महाधिवेशनसम्म अरुलाई सभापति बनाउन मत दिएको भएपनि यो पटक आफ्नै लागि मतदान गर्दा उत्साहित भएको उनले बताए ।
निधिले १३ औं महाधिवेशनमा सभापति शेरबहादुर देउवालाई सहयोग गरेका थिए। यसपटक भने उनले दोस्रो चरणमा सभापति छानिने अवस्था आए आफू देउवा इतर पक्षमा उभिने घोषणा गरिसकेका छन्।
