२०७७ सालको एसईई परीक्षाको नतिजा सार्वजनिक भएको छ ।
राष्ट्रिय परीक्षा बोर्डले विद्यार्थी अध्ययन गरेकै विद्यालयले गरेको मूल्यांकन देशभरबाट संकलन गरी त्यसैलाई प्रमाणित गरेर नतिजा प्रकशन गरेको हो । अघिल्लो वर्ष पनि कोरोना महामारीका कारण परीक्षा बोर्डले विद्यालयबाट आएको मूल्यांकनलाई नै प्रमाणीकरण गरी नतिजा सार्वजनिक गरेको थियो ।
नतिजा इजी सर्भिस प्रा.लि.बाट ३४९४९, आकाश टेक प्रा.लि.बाट ३१००३ र जानकी टेक्नोलोजी प्रालि मार्फत् ३५००१ मा एसएमएस गरेर हेर्न सकिनेछ । त्यस्तै नेपाल टेलिकम तथा एनसेलबाट १६०० मा एसएमएस गरेर नतिजा थाहा पाउन सकिने परीक्षा बोर्डले जानकारी दिएको छ ।
