गृहमन्त्री बालकृष्ण खाँणले राष्ट्रपतिले नागरिकता विधेयक प्रमाणीकरण नगर्नु असंवैधानिक भएको बताएका छन् ।
रुपन्देहीको भैरहवामा सोमबार आफ्नो निर्वाचन सम्पर्क कार्यालय उद्घाटन गर्दै उनले राष्ट्रपतिले विधेयक प्रमाणीकरण नगरेकामा रोष प्रकट गरे ।
प्रतिनिधिसभा र राष्ट्रिय सभाबाट दुईपटक पारित गरेर पठाएको नागरिकता विधेयक प्रमाणीकरण नगरेर राष्ट्रपतिले अहिलेको राजनीतिक व्यवस्था र संविधानविपरीत काम गरेको खाँणले टिप्पणी गरे ।
