Logo
२०८०, ९ फाल्गुन बुधबार
|  Wed Feb 21 2024

जथाभाबी अभिव्यक्ति नदिन झलनाथलाई एमालेको चेतावनी


नेकपा (एस) का नेता झलनाथ खनालले इलाम क्षेत्र नं १ को निर्वाचन प्रक्रियामा प्रश्न उठाएपछि नेकपा एमालेले पराजय पछि हताश मानसिकता बोकेर जथाभाबी अभिव्यक्ति नदिन साथै लोकतान्त्रिक अभ्यास तथा जनताको अभिमतलाई सम्मान गर्नका लागि चेतावनी दिएको छ ।

यही मङ्सिर ४ गते सम्पन्न प्रतिनिधिसभा तथा प्रदेशसभा निर्वाचनका क्रममा इलाम क्षेत्र नं १ को मतदानको सुरु प्रक्रियादेखि नै गठबन्धनका उम्मेदवार नेकपा ९एस० का नेता झलनाथ खनालले लगाएको आरोप प्रति पार्टीले गम्भीर ध्यानाकर्षण भएको जनाएको हो ।

उदय बहादुर राईद्वारा जारी विज्ञप्तिमा भनिएको छ, ‘निर्वाचनमा भाग लिएर मतगणना सुरु भई प्रारम्भिक नतिजा आउँदासम्म सबै प्रक्रिया सङ्गत, विधिसम्मत निष्पक्ष, धाँधलीरहित देख्ने र आफू पराजित हुने निश्चित भएपछि अनेक प्रकारका आरोप लगाउनु आफैमा अलोकतान्त्रिक प्रवृत्ति हो । अझ देशको प्रधानमन्त्री भइसकेको व्यक्तिले यस प्रकारको हर्कत देखाउनु लोकतन्त्रको मेरुदण्ड माथि कै हमला हो ।‘

निर्वाचनको प्रचारप्रसारको क्रममा राज्यसत्ताको दुरुपयोग गर्दै नेकपा ९एमाले० का उम्मेदवार एवम् पार्टीका अन्य जिम्मेवार नेता कार्यकर्ताको मोबाइल ट्राकिङ्ग गरेको एमालेले आरोपसमेत लगाएको छ । विज्ञप्तिमा भनिएको छ, ‘नेकपा ९एमाले० को राम्रो जनाधार भएको माईजोगमाई गाउँपालिका वडा नं। ५, सोयाङ सिरिसेमा मतदानको दिन मतदातालाई त्रसित बनाउन बम पड्काउनु, माई नगरपालिकाबाट मतपेटिका गणनास्थलसम्म ल्याउने गाडीलाई लक्षित गरी बम पड्काउनु, गोर्खेमा मतपेटिका साट्ने दुष्प्रयास गर्नुजस्ता आपराधिक क्रियाकलापले जनताको जनमतको आधारमा होइन जालझेल र षड्यन्त्र गरेर जसरी पनि चुनाव जित्ने गठबन्धनका उम्मेदवार खनालको अभीष्ट थियो जुन पूरा हुन सकेन ।’


प्रतिक्रिया दिनुहोस !
विचार