धरान उपमहानगरपालिकाका मेयर हर्क साम्पाङले बीपी कोइराला स्वास्थ्य विज्ञान प्रतिष्ठानका कायममुकायम उपकुलपति प्रा. डा. प्रल्हाद कार्कीलाई तत्काल उपस्थित गराइदिन स्वास्थ्य तथा जनसंख्यामन्त्री मोहनबहादुर बस्नेतलाई आग्रह गर्दै मंगरबार पत्र लेखेका छन् ।
मन्त्री बस्नेतलाई पत्र लेखी मेयर साम्पाङले प्रतिष्ठानमा दिनहुँ आन्दोलन भई उपचार सेवा प्रभावित भएको, पठनपाठन र परीक्षासमेत ठप्प भएको भन्दै कायम मुकायम उपकुलपतिलाई उपस्थित गराएर निकासका लागि सहयोग गरिदिन आग्रह गरेका हुन् ।
प्रतिष्ठानमा दिनहुँ आन्दोलन भएको, बहिरंग सेवा बन्द हुँदा बिरामीको उपचार प्रभावित भएको पठनपाठन र परीक्षासमेत ठप्प भइरहेको भन्दै उनले तत्काल कायममुकायम उपकुलपति अर्याललाई उपस्थित गराई समस्याको हल खोज्न र अस्पताललाई निकास दिन सहयोग मागेका हुन् ।
पत्रमा लेखिएको छः
यसभन्दा अगाडी नै बीपी कोइराला स्वास्थ्य विज्ञान प्रतिष्ठानमा मेयर साम्पाङले ताला लगाइसकेका छन् । साम्पाङले हस्पिटलका बारेमा सामाजिक सञ्जाल फेसबुक पेजमा पनि आफ्ना कुराहरु राख्दै आइरहेका छन् ।
उनले आज मात्रै लेखेका छन्ः जनताको खुन र जनताले खाने नुन भन्दा ठुलो हुँदैन कानुन ! जनताको स्वास्थ्य र जीवन सङ्ग खेल्वाड हुँदा सम्बन्धित निकायले चासो दिंदैन भने त्यस्ता कानुन च्यातेर अघि बढ्न नपरोस् म ! धराने हो… बि.पि. अस्पताल अब धरानले चलाउनु पर्छ है ! केन्द्रले वास्ता गरेन ! बुझौँ र उठौँ !
