रोल्पामा पहिरोले घर पुरिँदा एक जनाको ज्यान भएको छ भने एक जना बेपत्ता भएका छन् । सुनछहरी गाउँपालिका वडा नम्बर–४ कामी डाँडामा गएराति गएको पहिराले घरसँगै ६० वर्षकी बसुना सुनार र उनकी चार वर्षकी नातिनीलाई पुरेको थियो ।
खोजी गर्ने क्रममा बसुनाको शव भेटिएको र उनकी नातिनीको खोजी भइरहेको जिल्ला प्रहरी कार्यालय रोल्पाले जनाएको छ । पहिरो जाँदा बसुनाका छोरा र बुहारी भने घर बाहिर रहेकाले जोगिएका छन् ।
