दरबार मार्गमा कन्सर्टमा झडप गरेको आरोपमा पक्राउ परेका युवा फरार प्रतिवादी रहेको प्रहरीले जनाएको छ । संविधान दिवसमा दिन बिहीबार दरबार मार्गमा भएको कन्सर्टमा बालेनको पक्षमा र प्रधानमन्त्री केपी शर्मा ओलीको विपक्षमा नाराबाजी गर्दा झडप भएको थियो ।
त्यसक्रममा प्रहरीले एक जनालाई नियन्त्रणमा लिएको थियो । प्रहरी नियन्त्रणमा परेका ती युवा बझाङ घर भएका तिलक खड्का रहेका छन् । प्रहरीका अनुसार खड्काले गत जेठमा शंकरदेव क्याम्पसमा अध्ययनरत प्रवेश लामालाई आक्रमण गरी घाइते बनाएका थिए ।
जिल्ला प्रहरी परिसर काठमाडौँका एक अधिकारीले दिएको जानकारी अनुसार खड्काबारे थप अनुसन्धान भइरहेको छ ।
