दसैँ र तिहारको सुरक्षामा काठमाडौँमा प्रहरीले तालिमप्राप्त कुकुर ड्रोन परिचालन गर्ने भएको छ । चाडपर्व अवधिभर १५ दिनमा कम्तीमा १२० ठाउँमा तालिमप्राप्त कुकुर परिचालन गरिने जिल्ला प्रहरी परिसर काठमाडौँले जनाएको छ ।
प्रहरीका अनुसार रुटिन बनाएर तथा आवश्यकता अनुसार कुकुर प्रयोग गरेर चेकजाँच गरिने छ । त्यस्तै, बसपार्क र भिडभाड हुने ठाउँमा ड्रोनको प्रयोग गरेर प्रहरीले सुरक्षा निगरानी गर्ने भएको छ ।
काठमाडौँ भित्रिने नाका, बसपार्क र भिडभाड क्षेत्रमा ड्रोन प्रयोग गर्ने गरी सुरक्षा योजना लागु गरिएको एसएसपी रजौरेले जानकारी दिए ।
