धादिङको धुनिवेसी नगरपालिका–९ स्थित झ्याप्ले खोलाको पहिरोमा पुरिएका गाडीबाट थप १० जनाको शव निकालिएको छ । यससँगै झ्याप्ले खोला पहरोमा पुरिएर मृत्यु भएकाहरुको संख्या २४ पुगेको सशस्त्र प्रहरीले जनाएको छ ।
सशस्त्र प्रहरीका सहायक प्रवक्ता शैलेन्द्र थापाले आइतबार ८ पुरुष र २ महिला गरी १० जनाको शव निकालिएको जानकारी दिए ।
यसअघि शनिबार राति १४ जनाको शव निकालिएको थियो । पहिरोमा बस र माइक्रोबसहरु पुरिएको बताइएको छ भने अझै पनि उद्दार कार्य जारी रहेको छ ।
