हात्ती आक्रमणबाट एक महिलाको मृत्यु
रौतहट, १६ कात्तिकः रौतहटमा जङ्गली हात्तीको आक्रमणबाट शुक्रबार बिहानै फतुवा बिजयपुर— ११ रागी बुटुवा बस्ने ७० बर्षीया पातली माया तामाङ एक महिलाको मृत्यु । घरमा सुतिरहेको अबस्थामा हात्तीको आक्रमणबाट पातली माया तामाङको ज्यान गएको इलाका प्रहरी कार्यालय विजयपुरका प्रहरी निरीक्षक इन्द्रमणी अधिकारीले जानकारी दिनुभयो । तस्बिरः रमेश तिमलसिना÷रासस
जंगली हात्तीको आक्रमणमा परी फतुवा–बिजयपुर नगरपालिका वडा नंं ११ बुट्वा–राङी गाउँमा आज एक वृद्धाको मृत्यु भएको छ।
घरमा सुतिरहेको अवस्थामा हात्तीले आक्रमण गर्दा ७० वर्षीया पातली तामाङको बिहान मृत्यु भएको इलाका प्रहरी कार्यालय बिजयपुरले जनाएको छ ।
प्रहरीका अनुसार जंगली हात्तीले बिहान एक्कासी आक्रमण गर्दा वृद्धाको मृत्यु भएको, उनका श्रीमानले भने भागेर ज्यान बचाएको र घर पूर्णरूपमा क्षति भएको तथा सँगैको अर्को घरलाई समेत क्षति पुर्याएको छ।
घटना भएको जानकारी प्राप्त हुनासाथ जिल्लास्थित नेपाल प्रहरी, डिभिजन वन कार्यालय र सशस्त्र बेस क्याम्प बिजयपुरको प्रहरी टोली बुट्वा–राङी गाउँ पुगी स्थानीयसँगको सोधपुछपछि अहिले थप अनुसन्धान प्रक्रियमा जुटेको प्रहरीले जनाएको छ।
