जेनजी अभियन्ता सुदन गुरुङले सिमरा घटनाका सन्दर्भमा दोषीलाई बिहान १० बजेसम्म पक्राउ नगरे देशभर आन्दोलन गर्ने चेतावनी दिएका छन् । बिहीबार मध्यरातमा सामाजिक सञ्जाल फेसबुकमा एक स्टाटस लेख्दै उनले यस्तो चेतावनी दिएका हुन् ।
यसैबीच सिमरामा जेनजी अगुवालाई कुटपिट गरेको आरोपमा एमालेका दुई जना वडा अध्यक्ष पक्राउ परेका छन् । जेनजीहरुले भने अन्यलाई पनि पक्राउ नगरेसम्म आन्दोलन नरोक्ने बताउँदै आएका छन् ।
गत बुधबार एमालेको जागरण सभाका लागि एमाले महासचिव शंकर पोखरेल र नेता महेश बस्नेत सिमरा जाँदै गर्दा सिमरामा तनाव उत्पन्न भएको थियो । त्यसयता जारी रहेको तनाव निरन्तर जारी छ ।
