गगन थापा पक्षले कांग्रेसको आधिकारिकता पाएसँगै देउवा पक्षधर नेता कार्यकर्ता गगन थापातिर लाग्न थालेका छन् ।
यसअघि देउवा पक्षमा देखिएका विभिन्न जिल्लाका नेता कार्यकर्ता गगन थापा पक्षमा लाग्न थालेका हुन् । फागुन २१ को निर्वाचनमा रुख चुनाव चिन्हबाटै चुनाव लड्ने भन्दै उनीहरुले थापासँग टिकटका लागि समेत आग्रह गर्न थालेका छन् ।
यद्यपि सभापति थापाले भने आफूले मात्रै निर्णय गरेर नहुने भन्दै यस सम्बन्धी बोर्ड नै गठन गरेको जानकारी दिएका छन् । माघ ६ गते प्रतिनिधिसभाको प्रत्यक्षतर्फको उम्मेदवारी दर्ता गर्ने कार्यतालिका रहेपछि नेताहरुमा छट्पटी शुरु भएको छ ।
