प्रधानमन्त्री केपी शर्मा ओलीले नेपाल सम्पत्ति शुद्धीकरणसम्बन्धी अन्तर्राष्ट्रिय निकाय फाइनान्सियल एक्सन टाक्स फोर्सको कालोसूचीमा पर्ने प्रस्ट सङ्केत गरेका छन् । शुक्रबारदेखि सुरु भएको संघीय संसद्को हिउँदे अधिवेशनलाई सम्बोधन गर्दै उनले संसद्ले समयमा कानुन नबनाइदिँदाको परिणाम अहिले देखिएको बताएका हुन् ।
‘मैले आज विनम्रतापूर्वक यो कुरालाई राख्नै पर्छ । सरकारले ल्याएको विधेयकलाई संसद्ले ९० दिन मात्र पारित गरेन भने वैकल्पिक व्यवस्था गर्छ । सरकारले समयमा कानुन पास नगर्दा देशलाई कुन हदसम्मको क्षति हुन्छ भन्ने कुरा मनि लाउन्डिरिङको मुद्दामा देखि÷भोगिसकेका छौँ,’ प्रधानमन्त्री ओलीले भने– ‘अघिल्ला सरकारको समयमा भएका बेवास्ता र लापरबाहीको परिणाम अहिले मुलुकले भोग्नुपर्ने भएको छ । हाम्रो देश ग्रेलिस्टमा पर्ने खतरा बढेको छ ।’
यसअघि नेपाल राष्ट्र बैङ्कका गभर्नर महाप्रसाद अधिकारीले पनि यस्तै सङ्केत गरेका थिए । उनले देश ग्रेलिस्टमा प¥यो भने पनि छिटै बाहिर आउने आधार तय भइसकेको भन्दै यसको सङ्केत गरेका थिए ।
