काठमाडौं । राष्ट्रिय स्वतन्त्र पार्टीका सभापति रवि लामिछानेले संविधान र लोकतन्त्रभन्दा माथि कोही नहुने बताएका छन् । शनिबार पार्टी केन्द्रीय कार्यालयमा बसेको सचिवालय बैठकपछि पत्रकारहरुसँग कुराकानी गर्दै सभापति लामिछानेले संविधान र लोकतन्त्रभन्दा माथि कोही नहुने बताएका हुन् । उनले संविधान र लोकतन्त्रमाथि आँच पुर्याउने कार्य गर्ने जो कोही पनि सजायको भागीदार हुनुपर्ने बताए ।
उनले भने, ‘म एउटा कुरा के स्पष्ट पार्छु भने संविधानभन्दा माथि र लोकतन्त्र भन्दा ठूलो केही छैन । कोही छैन । रास्वपा यसमा स्पष्ट छ । रवि लामिछाने यसमा स्पष्ट छ । कसैले पनि यसमा द्विविधा लिनुपर्दैन । यसमा आँच आउने कुनै पनि क्रियाकलाप जो कोहीले पनि गरेको छ भने त्यो सजायको भागीदार हुनुपर्छ ।’
