अध्यागमन विभागले कोरोना भाइरसको नयाँ भेरियन्ट –ओमिक्रोन) भेटिएसँगै बिभिन्न देशबाट आएका नागरिकलाई अनिवार्य रुपमा ७ दिन क्वारेन्टाइनमा बस्नुपर्ने व्यवस्थालाई स्थगित गरेको छ ।
भेरियन्ट फैलिएका ६७ मुलुकबाट आउने यात्रुलाई अनिवार्य रुपमा सात दिन होटल क्वारेन्टाइनमा बस्नुपर्ने व्यवस्था थियो । तर, विभागले शनिबार एक सूचना जारी गरी अर्काे सूचना नआएसम्मका लागि उक्त व्यवस्था स्थगित भएको जनाएको छ । विभागले शुक्रबार मात्रै सूचना जारी गरी होटल क्वारन्टाइनमा बस्नुपर्ने उल्लेख गरेको थियो ।
