जल तथा मौसम विज्ञान विभागले बुधबारबाट देशका केही स्थानमा भारी वर्षाको सम्भावना रहेको जनाउँदै सतर्कता अपनाउँन आग्रह गरेको छ ।
मंगलबार बिहानै एक विशेष बुलेटिन निकाल्दै विभागले बुधबारबाट मनसुनी न्युन चापीय रेखा तराई नजिक रहेको हुनाले मनसुन सक्रिय हुने जनाएको हो ।
विभागका अनुसार प्रदेश १, प्रदेश २, बागमती, लुम्बिनी र गण्डकी प्रदेशका केही स्थानमा भारी वर्षाको सम्भावना रहेको छ । ती प्रदेशका पहाडी भेगहरुमा पहिरोको जोखिम रहेको तथा नदीनाला र खोलाहरुमा पानीको सतह बढ्न सक्ने तथा यातायात क्षेत्र प्रभावित हुन सक्ने भएकाले सतर्कता अपनाउन विभागले सबैमा आग्रह गरेको छ ।
