अदालतबाट ओली सरकारलाई विस्थापन गरी प्रधानमन्त्री बनेका शेर बहादुर देउवा कति समय प्रधानमन्त्री पदमा टिकिरहन्छन् भन्ने कुरा एमाले नेता माधवुमार नेपालको हातमा रहको छ ।
सोमबार प्रधानमन्त्री पदको सपथ लिएका देउवाले ३० दिनभित्र विश्वासको मत लिनुपर्छ । तर, माधव कुमार नेपाल पक्षले असहयोग गरे अहिलेकै अवस्थामा देउवाले विश्वासको मत पाउँन कठिन छ । नेपाली कांग्रेस, माओवादी केन्द्र र जसपाको उपेन्द्र यादव पक्षको कुल मत जोड्दा पनि देउवाका पक्षमा बहुमत पुग्दैन । बहुमत पु¥याउनका लागि देउवालाई कि त जसपाको महन्थ ठाकुर पक्षले सहयोग गर्नुपर्छ कि त एमालेकै सहारा चाहिन्छ ।
देउवालार्ई प्रधानमन्त्री बनाउनका लागि हस्ताक्षर सहित अदालतसम्म पुगेका माधवकुमार नेपालले अदालतको फैसलासँगै बोली फेरेका छन् । देउवालाई विश्वासको मत दिने या नदिने भन्ने कुरा पार्टीको संस्थागत निर्णयमा भर पर्ने उनको पछिल्लो भनाइ छ । एमालेको संस्थापन पक्ष देउवाका पक्षमा छैन । जानकारहरुका अनुसार सोमबार सपथ ग्रहण समारोह नै बहिष्कार गरेका केपी शर्मा ओलीले देउवालाई विश्वासको मत दिने निर्णय पक्कै गर्दैनन् । यसको अर्थ एमालेको संस्थागत निर्णय देउवाका पक्षमा हुने सम्भावना छैन ।
तर, देउवालाई प्रधानमन्त्री बनाउँन अदालत पुगेको माधवकुमार नेपाल पक्षले देउवालाई विश्वासको मत दिने निर्णय ग¥यो भने चाहिँ देउवाको प्रधानमन्त्री पद बाँकी समयका लागि सुरक्षित देखिन्छ । माधव नेपाल पक्षले त्यो निर्णय गर्ला या नगर्ला अहिल्यै यसै भन्न नसकिने राजनीतिक विश्लेषकहरुको भनाइ छ । उनीहरुका अनुसार एमालेको आन्तरिक राजनीतिमा देखिने विकसित घटनाक्रमलाई आधार मानेर मात्रै केही भन्न सकिन्छ ।
