स्वतन्त्र राष्ट्रिय अभियान नेपालले आज माइतिघरबाट लुतो फाल्ने कार्यक्रम राखेको छ ।
नेपाललाई विभिन्न लुतोले सिध्याउन लागेको भन्दै अभियानले लुतो फाल्ने कार्यक्रम राखेका जनाएको छ । एमसीसीको लुतो, विदेशी एजेण्टको लुतो, आइएनजीओको लुतो, भ्रष्टाचारको लुतो जस्ता अनेकन लुतोले देश बर्बाद पारेको भन्दै अभियानले अपरान्ह ४ः३० बजे विधीपूर्वक लुतो फाल्ने जनाएको हो ।
नेपाली समाजमा साउने संक्रान्तिका दिन लुतो फाल्ने परम्परा रहेको छ । त्यही परम्परा अनुसार व्यंग्यात्मक रुपमा अधिवक्ता स्वागत नेपाल नेतृत्वको अभियानले लुतो फाल्न लागेको हो ।
