प्रधानमन्त्री शेरबहादुर देउवाले संसदमा विश्वासको मत पाएका छन् ।
आइतबार बसेको पुनःस्थापित संसदको बैठकमा प्रधानमन्त्री देउवाले १६५ सांसदको मत पाएका हुन् । संसदमा बहुमतका लागि १३६ सांसदको मत भए पुग्नेमा देउवाले १६५ सांसदको मत पाएका हुन् ।
देउवालाई कांग्रेस, माओवादी केन्द्र, जसपा, जनमोर्चा र एमालेका केही सांसदले मत दिएका थिए । देउवालाई प्रधानमन्त्री बनाउँन माग गर्दै यसअघि अदालतमा हस्ताक्षरसहित गएका माधव नेपाल पक्षका सबै सांसदले मत दिने आंकलन गरिएपनि अन्तिम समयमा आएर केही सांसद भने मत प्रकृयाबाटै बाहिरिएका थिए । तर, आंकलन नै नगरिएका ओली पक्षका ४ जना सांसदले भने देउवालाई विश्वासको मत दिएका छन् ।
