नेपाली बजारमा आज छापावाल सुनको मूल्य प्रतितोला रु ३०० ले घटेर ९३ हजार १०० मा आएको छ । आइतबार प्रतितोला ९३ हजार ४०० मा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला रु ९२ हजार ६०० कायम भएको छ । जसको मूल्य आइतबार प्रतितोला ९२ हजार ९०० तोकिएको थियो ।
आज चाँदीको मूल्य अघिल्लो कारोबार मूल्यको तुलनामा प्रतितोला रु पाँचले घटेर रु एक हजार २६५ मा आएको महासङ्घले जनाएको छ । चाँदी आइतबार प्रतितोला रु एक हजार २७० मा कारोबार भएको थियो ।
