मंगलबार नयाँ बानेश्वरमा एमालेको ओली पक्षीय युवा संघले माधवकुमार नेपाल पक्षीय नेता तथा सांसदको खिल्ली उडाउन बाँदरको भेषमा जुलुस निकाले । प्रधानमन्त्री शेरबहादुर देउवालाई विश्वासको मत दिने २२ जना सांसद बाँदरे प्रवृत्तिका भएको भन्दै उनीहरुले ती सांसदको आलोचना गरे । तर, त्यसको असर भने उल्टै ओली पक्षमाथि परेको छ ।
सामाजिक सञ्जाल प्रयोगकर्ताहरुले ओली पक्षले आफ्नो वास्तविक रुप देखाएको भन्दै आलोचना गरेका छन् । बाँदर भेषको जुलुसकाप्रति टीप्पणी गर्दै उनीहरुले जुलुसमा सहभागीहरुलाई ओलीका सच्चा हनुमान भनेका छन् ।
