माधवकुमार नेपाललाई पार्टीमा कुनै स्थान दिन नसकिने बताउँदै आएका एमाले अध्यक्ष केपी शर्मा ओलीले बोली फेरेका छन् ।
केन्द्रीय कमिटीको बुधबारको बैठकमा उनले पार्टी एकताका लागि आफू जस्तोसुकै त्याग गर्न तयार रहेको उल्लेख गर्दै माधव नेपाललाई दोस्रो अध्यक्ष बनाउन समेत राजी रहेको बताएका हुन् ।
माधव नेपाललाई गद्दार घोषणा गर्दै लाजशरम नभएको मान्छे भनी तुच्छ टीप्पणी गरेका ओली बुधबारको बैठकमा भने निकै नरम रुपमा प्रस्तुत भएको एक केन्द्रीय सदस्यले बताए । ती सदस्यका अनुसार केन्द्रीय कमिटीमा माधव नेपालले बहुमत मागेका कारण भने समस्या सृजना भएको ओलीको भनाइ थियो ।
