नेपाली कांग्रेसका वरिष्ठ नेता रामचन्द्र पौडेलले पूर्व प्रधानमन्त्री डा.बाबुराम भट्टराईलाई उरन्ठ्याउलो बुद्धि भएको नेता भनी टिप्पणी गरेका छन् ।
हिन्दु धर्माबलम्बीको आस्थामाथि चोट पु¥याउनेगरी बाबुराम भट्टराईले टुइट गरेपछि त्यसप्रति आपत्ति जनाउँदै नेता पौडेलले भट्टराईलाई उरन्ठयाउलो बुद्धि भएको नेता भनी टिप्पणी गरेका हुन् ।
हिन्दु धर्माबलम्बीले गाईको दुध गंगामा अर्पण गरेको तस्बीर पोष्ट गर्दै डा बाबुराम भट्टराईले दुध फाल्ने र गहुँत खाने विश्वास डरलाग्दो भनी उल्लेख गरेका छन् । भारतको उत्तर प्रदेशका मुख्यमन्त्री योगी आदित्यनाथले गंगामा दुध अर्पण गर्दै गरेको तस्बीर भट्टराईले पोष्ट गरेका हुन् ।
भट्टराईको टुइटप्रति आपत्ति जनाउँदै कांग्रेस वरिष्ठ नेता रामचन्द्र पौडेलले बुधबार बेलुकी गरेको टुइटमा लेखिएको छ : ‘हजारौं वर्षदेखि हामीले जुन सामाजिक मान्यता, आस्था बोकेर श्रेष्ठ र पवित्र जीवन बिताउँदै आएका छौँ, त्यही सामाजिक मान्यता र आस्थामाथि गम्भीर आघात पुर्याउने डाक्टर बाबुराम भट्टराईको उरन्ठ्याउलो बुद्धिले नेपाली समाजलाई कहिँ पुर्याउदैन,’
