कांग्रेस नेता अमरेशकुमार सिंहलाई कारबाहीको माग गर्दै उनको गृहजिल्ला सर्लाहीका १२ जना नेताले प्रधानमन्त्री शेरबहादुर देउवालाई ज्ञापनपत्र बुझाएका छन् ।
देउवालाई बुझाइएको ज्ञापनपत्रमा नेपाली कांग्रेसको संगठन नै तहसनहस पार्नेगरी सर्लाहीमा सिंहले गतिविधी गरेको आरोप लगाइएको छ । सिंहकै अगुवाईमा रामगोविन्द रायलाई पार्टी कार्यालयमा आमरण अनसन राखिएको उनीहरुको आरोप छ । पार्टी ध्वस्त बनाउने अभियानमा लागेका सिंहलाई कारबाही नगरिए पदबाट बाहिरिने उनीहरुको चेतावनी छ ।
कृयाशील सदस्यता वितरणमा व्यापक धाँधली गरिएको भन्दै अमरेशकुमार सिंहले दुर्ई दिनअघि मात्रै प्रधानमन्त्री तथा पार्र्टी सभापति शेरबहादुर देउवा समक्ष सांसद पदबाट राजीनामा दिएका थिए ।
