मन्त्री पद नै त्यागेर वागमती प्रदेशका समाजिक विकास मन्त्री कृष्ण खनाल माधव नेपाल नेतृत्वको नेकपा एकीकृत समाजवादी पार्टीमा लागेका छन् । मन्त्री बनेको १५ दिन नपुग्दै मन्त्री पदबाट राजीनामा दिएर खनाल समाजवादी पार्टीमा लागेका हुन् ।
खनाल अष्टलक्ष्मी शाक्य मुख्यमन्त्री बनेकै दिन मन्त्री नियुक्त भएका थिए । शाक्य नेतृत्वको सरकारमा मन्त्री भएपछि खनाल एमालेमै रहने अनुमान गरिएपनि मन्त्रीबाट राजीनामा दिएर उनी माधव नेपाल नेतृत्वको समाजवादी पार्टीमा लागेका छन् । खनालले बुधवारमात्रै प्रदेश निर्वाचन कार्यालय हेटौंडा पुगेर नेकपा एकीकृत समाजवादीको पक्षमा सनाखत गरेका थिए । यसअघि एमालेको केन्द्रीय सदस्य समेत रहेका खनाल चितवनबाट निर्वाचित प्रदेशसभा सदस्य हुन् ।
खनलासहित एमालेका १२ प्रदेशसभा सदस्यले माधव नेपाल नेतृत्वको एकीकृत समाजवादी पार्टी रोजेपछि अष्टलक्ष्मी शाक्य नेतृत्वको सरकार अल्पमतमा परेको छ भने शाक्यले तत्काल राजीनामा दिनुपर्ने बताउँदै विपक्षीहरुले समाजवादीका राजेन्द्र पाण्डेलाई मुख्यमन्त्रीमा अघि सार्ने तयारी गरिरहेका छन् । विभाजनसँगै सरकार अल्पमतमा परेको छ ।
