नेवाः (स्यनेकुथि) प्रशिक्षण केन्द्रको आयोजना तथा नेपाल हस्तकला महासंघको सहयोगमा पाटनमा सञ्चालित नेपाल परम्परागत हस्तकला कार्यशाला २०७९ सम्पन्न भएको छ ।
बालबालिकाहरुलाई पनि परम्परागत कलाको क्षेत्रमा प्रवेश गराउने उद्देश्यका साथ आयोजना गरिएको १५ दिने कार्यशाला बुधबार सम्पन्न भएको हो । नेवाः ( स्यनेकुथि ) का प्रमुखको अध्यक्षता तथा नेपाल हस्तकला महासंघका अध्यक्ष प्रचण्ड शाक्यको प्रमुख आतिथ्यतामा बुधबार सम्पन्न कार्यक्रममा महासंघका उपाध्यक्ष दिल्ली रत्न तुलाधर, नबिन शाक्य र नेपाल हस्तकला महासंघका कार्यसमिती सदस्यहरु उदिप शाक्य, माणिकमान शाक्य र विकास शाक्यको उपस्थिती रहेको थियो ।
प्रशिक्षक श्रवण शाक्य र नेपाल हस्तकला महासंघका अध्यक्षलाई मायाको चिनो प्रदान गर्दै समापन भएको कार्यक्रममा तीन जना उत्कृष्ट कलाकारलाई पुरस्कार तथा प्रमाणपत्र प्रदान गरिएको थियो । पुरस्कृत कलाकारमा रुजेन बज्राचार्य, शोफिया श्रेष्ठ र सास्ता बज्राचार्य रहेका छन् ।
