काठमाण्डौ । नेपाल ललितकला प्रज्ञा प्रतिष्ठानका पुर्व कूलपति एवम् वरिष्ठ चित्रकार किरण मानन्धरले बेबिलोन नेशनल स्कुल शान्तिनगरकी ८ कक्षाकी कलाकार छात्रा देजिता राईलाई पुरस्कार हस्तान्तरण गरेका छन् ।
म्युचल एकेडेमिक एक्टिभिटि फोरम (माफ) ले आयोजना गरेको अन्तर विद्यालय चित्रकला प्रतियेगितामा बेबिलोन स्कुलकी राईले दोस्रो पुरस्कार जितेकी थिइन् । उनले जितेको पुरस्कार विद्यालयमा आयोजित एक कार्यक्रममा वरिष्ठ चित्रकार मानन्धरले छात्रा राईलाई हस्तान्तरण गरेका हुन् ।
कार्यक्रममा चलचित्र निर्देशक एवम् पत्रकार सुव्रत आचार्य, चित्रकार जया शमाको पनि उपस्थिति थियो ।
विद्यालयका प्रिन्सिपल राजु राईले विद्यालयले समय सुहाँउदो शिक्षाको साथै विद्यार्थीलाई उनीहरुको रुचि अनुसारको विषयमा सहभागी गराउने गरेको बताए ।
