शुक्रबारदेखि हराएकी रुपन्देहीको मर्चवारी गाउँपालिका–१ इस्लामपुरकी एक बालिका मृत फेला परेकी छिन् । उनको शव इस्लामपुरमा आज (शनिबार) बिहान फेला परेको हो ।
सात वर्षीय नन्दनी कुर्मी शुक्रबारदेखि हराइरहेकी थिइन् । कुर्मीको हत्या भएको जिल्ला प्रहरी कार्यालय रुपन्देहीले जनाएको छ । खोजि गर्ने क्रममा उनी आज मृत फेला परेकी हुन् ।
हत्यामा संलग्न रहेको आशङ्कमा प्रहरीले एक जनालाई नियन्त्रणमा लिएको छ ।
घटनाबारे थप अनुसन्धान भइरहेको प्रहरीले जनाएको छ।
