नेपाल वायुसेवा निगमको जहाजमा हङकङबाट आएका एक यात्रुलाई अस्पताल पुर्याएसँगै मृत घोषणा गरिएको छ ।
निगमको आरए ४१० उडानमार्फत् हङकङबाट काठमाडौं आउने क्रममा जहाजभित्रै अचेत ताप्लेजुङका देउमान लिम्बुलाई एयरलाइन्सका कर्मचारीले आफन्तको जिम्मा लगाएको निगम स्रोतले जनाएको छ ।
स्रोतका अनुसार देउमान जहाजभित्र अचेत अवस्थामा भेटिएको र आफन्तहरू रिसिभ गर्न विमानस्थलमा आएका थिए ।
उनलाई विमानस्थलमा अवतरण हुनेवित्तिकै केएमसी अस्पताल पुर्याइएको थियो । अस्पताल पुर्याउना साथ अस्पतालले मृत घोषणा गरेको जनाइएको छ ।
मृतक देउमान ५३ वर्षका थिए ।
