नयाँ जनवादी मोर्चाले ३० औं जनयुद्ध दिवसका अवसरमा ‘जनयुद्धको महानता एंव नेपाली जनवादी क्रान्तिको कार्यभार’ विषयक अन्तरक्रिया कार्यक्रम सम्पन्न गरेको छ । कार्यक्रममा मुलतः जनयुद्ध र उपलब्धिका बारेमा चर्चा भयो ।
अन्तरक्रिया कार्यक्रममा जनवादी मोर्चा नेपालका अध्यक्ष अशोक शर्मा, उपाध्यक्ष विष्णु खड्का त्यसै गरी क्रान्तिकारी कम्युनिष्ट पार्टीका कार्यालय सदस्य दिनेश शर्मा (सागर), नेकपाका अध्यक्ष लोकनारायण सुवेदी लगायतका नेताहरु सहभागी थिए ।
कार्यक्रमा अध्यक्ष शर्माले भने, ‘सर्वहारा वर्गको मुक्तिका लागि भएको १० वर्षे जनयुद्धले प्राप्त गरेको परिवर्तनलाई संस्थागत गर्दै आगामी क्रान्तिको कार्यभार नयाँ जनवादी मोर्चा नेपालमा रहेको छ ।’ त्यस्तै मोर्चाका उपाध्यक्ष खड्काले जनयुद्धलाई बदनाम गर्न खोज्ने रामबहादुर थापा (बादल) लगायतका पश्चगामी तत्वलाई जनकारबाही गर्नुपर्ने बताए ।
अन्तरक्रिया कार्यक्रम मोर्चाका प्रवक्ता गणेश घिमिरेले सञ्चालन गरेका थिए ।
