पूर्व गृहमन्त्री तथा रास्वपा सभापति रवि लामिछानेले दायर गरेको बन्दी प्रत्यक्षीकरणको सुनुवाई सोमबार पनि स्थगित भएपछि रास्वपा नेता तथा कार्यकर्ताहरु रुष्ट बनेका छन् । बारम्बार बन्दी प्रत्यक्षीकरणको सुनुवाई तोकेर पनि स्थगित गरेपछि रास्वपा कार्यकर्ताहरुले रबिमाथि निकै ठूलो षड्यन्त्र भइरहेको बताएका छन् ।
रास्वपा नेता कार्यता तथा रवि समर्थकहरु आज रवि छुट्ने आशामा थिए । सर्वोच्च अदालतले मंगलबारका लागि पेसी तोकेको छ । सर्वोच्च प्रशासनले सोमबार पनि हेर्न नमिल्ने भन्दै सुनुवाइ स्थगित गरेको हो ।
यसअघि हिजो (आइतबार) न्यायाधीश मनोजकुमार शर्मा र सुनीलकुमार पोखरेलको इजलासले हेर्न मिल्ने इजलासमा पेसी तोक्न आदेश जारी गरेको थियो ।
आज प्रधानन्यायाधीश प्रकाशमान सिंह राउत र न्यायाधीश नित्यानन्द पाण्डेको इजलासमा सुनुवाइका लागि पेसी तोकिएको थियो ।
यद्यपि उक्त पेसी पनि हेर्न नमिल्ने भन्दै सुनुवाइ स्थगित भएको छ ।
