केही दिनयता शेयरबजार परिसूचक नेप्से निरन्तर ओरालो लागिरहेको छ । यसैको निरन्तरता मंगलबार थप १०.२५ अंकले घट्दै नेप्से सूचक २ हजार ६६२.१४ अंकमा ओर्लिएको छ ।
अघिल्लो दिन २६.०५ अंकले घट्दै नेप्से सूचक २ हजार ६७२.३९ बिन्दुमा रोकिएको थियो ।
उसो त नेप्से सूचकसँगै यता कारोबार समेत क्रमशः घटिरहेको छ । नेपाल स्टक एक्सचेञ्जका अनुसार १० अंकमाथिले नेप्से घटेको यसदिन ८ अर्ब ५७ करोड १७ लाख रुपैयाँ बराबरको शेयर कारोबार भएको छ । अघिल्लो दिन १० अर्ब ६१ करोड ७७ लाख रुपैयाँमाथिको शेयर दोस्रो बजारमा कारोबार भएको थियो ।
यस्तै आइतबार १० अंकमाथिले नै नेप्से सूचक घटेको बजारमा ११ अर्ब ५९ करोड २० लाख रुपैयाँ बराबरको शेयर कारोबार भएको थियो ।
आज मुचुअल फन्ड र ट्रेडिङ बाहेक ११ वटा उपसूचक ऋणात्मक भएका छन् । सबैभन्दा बढी विकास बैंक समूहको उपसूचक आज १.१५ प्रतिशतले घट्न पुगेको छ ।
१७९ कम्पनीको शेयर मूल्य घट्दा खाज जम्मा ७४ कम्पनीको मूल्य बढेको छ ।
