काठमाडौं । परराष्ट्रमन्त्री शिशिर खनालले नेपाल र भारतबीच रहेका सीमा तथा सीमांकनसम्बन्धी बाँकी विवादहरू कूटनीतिक संवादमार्फत समाधान गर्नुपर्नेमा जोड दिएका छन् ।
आइतबार नयाँदिल्लीस्थित नेपाली दूतावासमा आयोजित पत्रकार सम्मेलनमा मन्त्री खनालले दुई देशबीच आपसी हितका विषयमा सम्बन्धलाई थप मजबुत बनाउन नेपाल प्रतिबद्ध रहेको बताएका हुन् । उनले अझै समाधान हुन बाँकी रहेका सीमा र सीमांकनका विषयहरू खुला संवाद र स्थापित द्विपक्षीय संयन्त्रमार्फत अघि बढाउनुपर्ने बताए ।
उनले नेपाल–भारत सीमा विवाद मिलाउन आफूहरूले बेलायतको मध्यस्थता नखोजेको बताए । उनले दुई देशबीचको सीमा विवादसँग जोडिएका ऐतिहासिक दस्तावेजहरूबारे मात्रै बेलायत र उसका राजदूतसँग चासो राखिएको बताए ।
प्रधानमन्त्री बालेन साहले संसदमा सम्बोधनका क्रममा भारतसँगको सीमा विवादमा इङ्ल्याण्डसँग पनि संवाद गरिरहेको बताएका थिए । उनले भारत र चीनबीच लिपुलेक र कालापानी क्षेत्रलाई लिएर भएको नयाँ सम्झौताप्रति नेपालले आपत्ति जनाउँदै कूटनीतिक नोट पठाएको बताए । उनले नेपालको सहभागित विना यो सहमति हुने नसक्ने बताए ।
