देशले छिमेकी मुलुकलाई कहाँ-कहाँ अतिक्रमण गरेको पुष्टि गर्न प्रधानमन्त्रीलाई हर्कको चुनौती

काठमाडौं ।  श्रम संस्कृति पार्टीका अध्यक्ष हर्क साम्पाङले नेपाली सेनालाई सीमानामा तैनाथ गर्नुपर्ने बताएका छन् । सोमबार प्रतिनिधिसभाको बैठकमा बोल्दै उनले नेपालले भारतको सीमा मिचेको अभिव्यक्तिको पुष्टि गर्नुपर्ने बताए ।

सदनलाई चलाउन सभामुख डीपी आर्यालले गरेको आग्रह स्वीकार गर्न नसकिने उनले बताए । ‘सभामुखको आग्रह छ स्वीकार्न सक्दैनौँ । कहाँ कहाँ सिमाना मिचेका रहेछाैँ पुष्टि गर्नुपर्छ । उहाँले आफ्नो भनाइ सच्याउन पर्छ । त्यो कुरा नसच्याएसम्म अन्य कुरामा प्रवेश गर्नु भनेको मिथ्या रहन्छ,’ साम्पाङले भने ।

उनले प्रधानमन्त्रीले बोलेको कुरा प्रधानमन्त्रीले नै सच्याउनुपर्ने बताए ।